Bustadlån for unge

Du kan låne inntil 5 ganger den samla inntekten din. Kor mykje du har i oppsparte midlar (eigenkapital) vil også spela ei rolle.

Hovudregelen er at du må ha 15% av verdien til bustaden i eigenkapital, men om du har tilleggssikkerheit kan du låne inntil 100% av kjøpesummen. Tilleggssikkerheit betyr at vi tar pant i annan eigedom, for eksempel foreldra dine sitt hus, som sikkerheit for lånet.

Jo meir eigenkapital du har, jo mindre vil du måtte låne, og jo lågare vil renta være.

Eigenkapital er pengane du har spart opp som du kan bruke som ein del av betalinga for bustaden din.

Du må ha minimum 15% av kjøpesummen (inkludert kostnader) i eigenkapital før du får eit bustadlån. Jo meir eigenkapital du har, jo mindre vil du måtte låne, og jo lågare vil renta være.

Viss du har for lite eigenkapital, er det mogleg å ta opp eit lån frå foreldra dine.

Eit slikt privat lån kan være utan renter og avdrag, men det må vere skriftleg og leverast som dokumentasjon til banken og førast opp i skattemeldinga.

Dersom du er heldig og kan få forskot på arv, eller kanskje ei gåve, kan dette teljast som eigenkapital. Pengane må då setjast inn på konto i samband med kjøp av bustad.

Om du har foreldre som kan og ønsker å hjelpe deg inn i bustadmarknaden, kan dei stilla som medlåntakar på lånet ditt. Då vil vi sjå på både din og foreldra sine inntekter og gjeld når vi vurderer lånesøknaden din.

Både hovudlåntakar og medlåntakar er ansvarleg for at heile lånet blir tilbakebetalt, det vi kallar solidarisk ansvarleg.

Vil du låne meir enn du har eigenkapital eller betalingsevne til, treng du ein kausjonist eller ein medlåntakar, til dømes foreldra dine.

Kausjonist blir ofte nytta for å kompensere for manglande tryggleik, det vil seie eigenkapital, medan ein medlåntakar kan brukast for å auke låneramma di.

• Ein kausjonist stiller med tryggleik for deg, vanlegvis i eigen eigedom. Ein kausjonist er berre ansvarleg for den delen av lånet det er stilt tryggleik for.

• Ein medlåntakar derimot, tar opp lånet saman med deg, blir medeigar i bustaden og er juridisk ansvarleg for heile lånet.

Om du har ein god ven du kan tenkje deg å bu saman med, kan det vere ei løysing å kjøpe noko saman. Med to inntekter vil de kunne få eit høgare lån enn du får åleine.

Viss de kjøper bustad saman, er det viktig å avtale om de skal eige leiligheten likt, eller om den eine skal eige meir. Ulik inntekt og ulik eigenkapital kan påverke dette. Ein tydeleg avtale om lånekostnader og andre bustadutgifter er viktig for å unngå meiningskilnader i etterkant.