Dei fekk den tette oppfølginga av rådgjevar som bedrifta hadde sakna

May Britt er dagleg leiar i Amestro AS, ei arbeids- og inkluderingsbedrift i Nord-Noreg. Ho fortel at den gode pensjonsordninga med ein maks sparesats på 7 % er noko dei som bedrift ikkje har fokusert mykje på – rett og slett fordi dei ikkje har hatt eit meir bevisst forhold til pensjon enn dei var nøydde til. May Britt innrømmer at ho synest det er vanskeleg å setje seg inn i alt rundt pensjon, og at det ikkje er lett å forstå kva moglegheiter ho som bedriftsleiar har for dei tilsette, eller korleis ho sjølv bør spare til pensjon.

– «Etter at vi vart kunde i banken, har vi lært mykje om pensjon! Vi har også skjønt at vi faktisk har ei ganske god pensjonsordning for dei tilsette i bedrifta», seier ho nøgd. 

May Britt seier at dei ønskte eit tettare forhold til banken sin, men at dei tenkte det ville vere for mykje arbeid med å bytte bank.

– «Eg trudde det ville vere ein komplisert prosess å bytte pensjonsleverandør», seier May Britt vidare. – «Men, det viste seg å ikkje stemme, og vi har fått ei mykje betre forståing av viktigheita av ei solid pensjonsordning», fortset ho. – «I tillegg har det vore veldig verdifullt for oss å ha ein rådgjevar som kan hjelpe oss med det vi lurer på om sparing og pensjon når vi treng det».

Konkurransefortrinn i rekruttering

Det som verkeleg gjorde forskjellen, var tilgjengelegheita og nærleiken til bankrådgjevaren. Ved å bytte bank, innsåg Amestro også verdien av den personlege rådgjevinga dei kunne få gjennom ein personleg rådgjevar i banken.

– «Bankrådgjevaren tok seg tid til å forstå draumane og planane våre tilsette hadde for pensjonisttilværet, og hjelpte kvar enkelt med å setje opp ein god plan slik at det kan vere mogleg å få draumane oppfylte. Dette var høgt verdsett hos dei aller fleste», fortel May Britt vidare.

No er den gode pensjonsordninga til dei tilsette noko Amestro aktivt bruker i rekruttering av nye tilsette. Dei merkar også at ei god pensjonsordning er noko jobbsøkjarar forventar i større grad enn tidlegare.

Dei som allereie arbeider hos Amestro set stor pris på den hjelpa dei får frå rådgjevar, anten det er for å få oversikt over sin eigen pensjon, eller for å få gode råd om kva grep dei kan ta for å få mest ut av pensjonssparinga si.

- Som bedriftseigar er dette ei av dei smartaste investeringane vi har gjort! 

Gjev inspirasjon til eigen privat pensjonssparing

May Britt opplever at når dei tilsette forstår meir om kor viktig det er med ei solid pensjonsordning, påverkar dette også interessa for sparing generelt. Mange av dei tilsette har no begynt å spare til pensjon på eiga hand, May Britt inkludert.

– «Det har vore ein vekkar for mange av oss. Pensjon var noko eg tidlegare berre antok ville "ordne seg" gjennom jobben, men no ser eg verdien i å ta kontroll over min eigen økonomiske framtid», seier ho.