Økonomisk smart - val som formar framtida
Personleg økonomi er noko alle må forhalde seg til – men det er ikkje alltid like lett å vite kor ein skal starte. Med dette foredraget gjer me det enklare for ungdom å forstå pengar, val og konsekvensar.
Denne våren har me i Sogn Sparebank utvikla eit nytt og engasjerande foredrag retta mot ungdomsskuleelevar i Sogn. Foredraget heiter «Økonomisk smart – val som formar framtida», og har som mål å gjera ungdom tryggare på eigen økonomi og rusta dei til å ta gode økonomiske val – både i dag og i framtida.
På turné i Sogn
Sidan februar har me reist rundt til 10.-klassingar i regionen og gjennomført foredraget i blant anna Aurland, Årdal, Sogndal og Vik. Responsen har vore svært positiv – me har fått strålande tilbakemeldingar frå både elevar og lærarar. Mange elevar trekkjer fram at foredraget var lett å forstå, relevant for deira eigen kvardag, og at dei faktisk lærte noko nytt og viktig om økonomi!
Kva handlar foredraget om?
Foredraget tek for seg dei mest sentrale tema innan personleg økonomi for ungdom i alderen 14–18 år:
- Kva er privatøkonomi?
- Budsjett og sparing
- Lån og renter
- Forbruksvanar og smarte kjøpsval
- Skatt og stipend
- Svindel og trygg bruk av digitale tenester
- Banktenester og betalingsmetodar
Me kombinerer fakta, kvardagsnære eksempel og enkle verktøy som «sparekalkulator» og «sløsekalkulator» for å gjera stoffet forståeleg og relevant.
Ei investering i elevane si framtid
Dette foredraget gir ungdom konkrete verktøy og innsikt som dei faktisk får bruk for – både no og i framtida. Me snakkar med dei, ikkje til dei. Gjennom engasjerande formidling, dialog og praktiske døme, hjelper me elevane å bli meir bevisste på eigne vanar og val.
Foredraget blir haldt av Malin og Sara frå Sogn Sparebank, begge med bakgrunn innan marknadsføring og økonomisk rådgjeving
La oss saman rusta dei unge for ei økonomisk smart framtid!
Ynskjer du foredrag på din skule?
Send ein e-post til sto@sognbank.no eller ring oss på 57 64 85 10 for å booke foredraget til din ungdomsskule.
Malin Sørheim Aas
Rådgjevar kundesenter/fagansvar daglegbank
57 64 85 10
Sara Tønnessen
Rådgjevar privat
57 64 85 18