Bank utan internett
Sjølv om mykje i banken i dag er digitalt, skal det vere mogleg å vere kunde hos oss utan å bruke internett. Me tilbyr fleire tenester for kundar og pårørande som ikkje er digitale.
Ei bankkvardag som ikkje er digital
Er du ein av dei som ikkje ynskjer å bruke digitale tenester eller har behov for hjelp når det gjeld bruk av digitale løysingar?
I dagens samfunn blir stadig fleire tenester digitaliserte – også i banken. For mange er dette både praktisk og effektivt. Samstundes veit me at ikkje alle kundar ønskjer å bruke digitale verktøy, eller har høve til å handtere bankkvardagen sin på nett.
I Sogn Sparebank meiner me at alle skal kunne ta vare på eigen økonomi, uavhengig av digital erfaring eller teknologisk utgangspunkt. Difor tilbyr me også banktenester som ikkje krev internett eller digitale løysingar.
På denne sida finn du ei oversikt over produkt og tenester du kan bruke utan nettbank eller mobil. Me håpar dette gjer det enklare for deg å få oversikt og finne løysingar som passar dine behov.
Du er alltid velkomen til å ta kontakt med oss dersom du treng hjelp eller ynskjer rettleiing – me hjelper deg gjerne.
Når du treng hjelp i kvardagen
Disponent på konto
Dersom du treng hjelp med daglege banktenestar, som å betale rekningar eller følgje med på økonomien, kan du gi ein person du stolar på tilgang til kontoen din som disponent. Då kan denne personen hjelpe deg med betalingar, overføringar og halde oversikt over saldo.
For å leggje til ein disponent, kan du ta kontakt med kundesenteret vårt. Me sender då ut ei fullmakt som må fyllast ut og signerast før tilgangen blir oppretta.
Verje
Ein verge er ein person som får ansvar for å hjelpe nokon som ikkje klarer å ta vare på økonomien eller rettane sine fullt ut sjølv. Det kan vere eit familiemedlem, ein annan nær person eller ein profesjonell verge.
Vergen blir oppnemnd av statsforvaltaren, og skal sørgje for at økonomien blir handtert på ein trygg og riktig måte.
Hjelp i skranken
Hjå oss kan du framleis komme innom kontoret og få hjelp i skranken når du treng det.
Du kan til dømes betale giroar og få rettleiing frå ein av våre tilsette. Me er her for deg, og tek oss tid når du treng det.
Du kan møte opp på drop-in på kontoret enkelte dagar i veka. Sjå kva dagar dei ulike filialane har opent under. Du finn oversikt over eventuelle gebyr i prislista vår.
Banktenester du kan bruke utan internett
BankID
Ei digital løysing for innlogging og signering. Her finn du informasjon om kva BankID er og korleis det fungerer.
BankID
Kva er BankID?
BankID er ei elektronisk legitimasjon som du brukar på nett for å identifisere deg og skrive under digitalt. Ho fungerer som ein kombinasjon av pass og underskrift, og blir brukt til innlogging i nettbank, signering av avtalar og på offentlege tenester.
For å bruke BankID treng du fødselsnummer, eit personleg passord og ein eingongskode frå kodebrikke eller app på mobil.
Huskeregel
Kan andre bruke min BankID?
Du må aldri dele eller låne bort BankID-en din, kodebrikke eller passord. Gjer du det, gir du andre moglegheit til å utgi seg for å vere deg. Sjølv om det kan kjennast utfarleg når du treng hjelp til f.eks. å betale ei rekning, kan opplysningane bli misbrukte i andre sammenhengar.
Treng du hjelp i kvardagen, er det tryggare å gi ein du stolar på tilgang som disponent på konto. Ta kontakt med oss, så hjelper me deg vidare med ei trygg løysing.
Slik kan du vere ein god hjelpar
Hjelper du av og til eit familiemedlem, ein ven eller ein nabo med nettbank og økonomi? Då er det nokre viktige ting det er lurt å vere klar over.
