Me hjelper deg
Det kan vere mykje å halde oversikt over i eit dødsbu. Ta gjerne kontakt med oss dersom du har spørsmål eller treng rettleiing i det som gjeld bank, forsikring og fond i høve dødsbuet.
Når ein nær person går bort, er det mykje å ta stilling til. Her finn du informasjon om kva som skjer med bankforholdet til den avdøde, og kva du som etterlaten må gjere vidare.
Eit gravferdsbyrå kan hjelpe med dei praktiske oppgåvene rundt gravferda og gi rettleiing om kva som må ordnast.
Før arvingane tek stilling til korleis dødsbuet skal skiftast, kan det vere behov for å få oversikt over økonomien til den avdøde.
Tingretten kan utferde ei formuesfullmakt, som gir rett til å hente inn opplysningar om formue og gjeld.
Med formuesfullmakt kan me gi ei oversikt over den avdøde sine verdiar og gjeld i banken. Me kan også gi kontoutskrifter for dei siste tre månadene før dødsfallet.
Sjå meir informasjon til arvinger på Noregs domstol.
Du finn meir informasjon om dei ulike skifteformene hos Noregs domstolar.
Når skifteforma er avklart, får du nødvendig dokumentasjon frå tingretten.
For vidare handsaming i banken treng me skifte- eller uskifteattest og eventuelle fullmakter. Me kan også ha behov for legitimasjon.
Er det fleire arvingar, kan dei gi fullmakt til éin person som representerer dødsbuet.
Mange har private forsikringar i tillegg til å vere forsikra gjennom arbeidsforhold. Når dødsfallet er registrert i Folkeregisteret, blir brev med informasjon om avdødes livs- og pensjonsforsikringar sendt til avdødes adresse.
Dersom du er fullmektig eller arving og ønskjer opplysningar om kvar avdøde har livsforsikringar og pensjonar, får du ein oversikt ved å sende inn skjema til Norsk Pensjon.
Har du spørsmål eller er usikker på kva du skal gjere vidare? Ta kontakt med oss, så hjelper me deg.
Det kan vere mykje å halde oversikt over i eit dødsbu. Ta gjerne kontakt med oss dersom du har spørsmål eller treng rettleiing i det som gjeld bank, forsikring og fond i høve dødsbuet.