Har du justert regionsperra?

Nokre enkle grep kan gi deg betre oversikt, tryggare netthandel og litt mindre å halde styr på i kvardagen.

1. Juster regionsperra
   Har du opna bank- og kredittkortet for bruk i fleire land i sommar? Set regionsperra tilbake til slik du vanlegvis bruker korta. Når du sperrar korta for bruk i land du ikkje oppheld deg i, gjer du det vanskelegare for uvedkomande å misbruke dei.
    
   
2. Handle tryggare på nett
   Strøymetenester, appar og netthandel har vorte ein naturleg del av kvardagen. Betaler du med kredittkort når du handlar på nett, har du ekstra tryggleik dersom vara ikkje dukkar opp, leveringa ikkje er som avtalt eller noko anna går gale. Får du problem med eit kjøp, kan du enkelt opprette ei reklamasjonssak i mobil- eller nettbanken.
   
   
3. Sjekk kva du betalar for strøymetenester
   Mange abonnement blir trekte automatisk kvar månad. Har du fleire TV-, musikk- eller lydboktenester, kan det vere lurt å sjå kva for kort betalingane blir trekte frå. Samlar du abonnementa på kredittkortet, får du alt på éin faktura. Det gjer det enklare å sjå kva du betaler kvar månad, og lettare å rydde bort tenester du ikkje lenger bruker.
    
   
4. Legg bank- og kredittkortet i den digitale lommeboka di
   Betaler du ofte med mobilen eller smartklokka? Legg både bank- og kredittkortet inn i den digitale lommeboka di, anten du bruker Vipps, Apple Pay eller Google Pay. Då har du korta lett tilgjengelege når du treng dei, både i butikk og på nett.
    
5. Gå gjennom sommarens kjøp
   Hausten passar godt til å ta ein ekstra titt på det du har brukt kortet til i sommar. Sjekk at kjøpa stemmer med det du faktisk har handla. Ser du noko du ikkje kjenner att, bør du undersøkje det nærare. Dersom kjøpet ikkje er ditt, kan du opprette ei reklamasjonssak i mobil- og nettbanken. Ein rask gjennomgang av alle transaksjonar kan gi deg både tryggleik og betre oversikt over forbruket ditt.
    
6. Få betre oversikt over økonomien
   Har du fleire smålån, kredittkort eller handlekontoar her og der? Då kan du få betre oversikt ved å samle dei i eitt lån hos oss. Det kan gi lågare kostnader, færre rekningar og mindre å halde styr på. Finn ut meir om fordelane med refinansiering.