Dette må du sjekke når du prøvekjører

Du har endeleg funne draumebilen. No gjenstår det berre ein ting før du bestemmer deg – å prøvekjøre bilen. Men kva skal du eigentleg sjå etter når du prøvekjører?

Her er ei huskeliste til deg som skal prøvekjøre draumebilen.

Før du set deg bak rattet

• Sjå etter synlege skadar
  Ta ein runde rundt bilen. Finn du lakkskadar eller bulkar? Er frontruta fri for steinsprut og riper? Det kan også vere lurt at du sjekker om det er rustskadar rundt dører og bakluke.
•  Fungerer lysa?
  Før du prøvekjører kan det vere lurt at du sjekker at lysa fungerer. Er glaset på hovudlys, blinklys og baklys i orden? Test også at dei innvendige og utvendige lysa verkar.
• Låsar og dører
  Er det enkelt å opne og lukke dører, panser og bagasjeluke? Det kan også vere lurt å sjekke at låsen fungerer som den skal, og at det er lett å heise vindauga opp og ned.
• Sjekk dekka
  Både dei som sit på, og dei som følgjer med.
• Innvendige skadar
  Sjå etter lekkasjar frå olje, kjølevatn og drivstoff. Kjenn etter om det er fukt under matter og 
• Er alt med?
  Sjekk at reservehjul, jekk, verktøy, varseltrekant, refleksvest, vognkort og instruksjonsbok er i bilen før du prøvekjører.

Når du prøvekjører bilen

• Førsteinntrykket er viktig
  Verkar alt som det skal når du startar bilen? Prøvekjør bilen på ein veg med nokre humpar, høyrer du nokre ulydar?
• Korleis fungerer bremsene
  Tar dei likt når du trakkar ned, eller dreg bilen til ei av sidene?
• Er det elektriske i orden?
  Det er lurt å sjekke om klimaanlegget, radioen, varmeseta og elektroniske hjelpemiddel fungerer som dei skal.
• Køyrekomfort 
  Sist men ikkje minst, kjennest bilen "riktig" for deg?