Hopp til innholdet
Bli kunde Bytt til bedrift
Er det noko du lurer på om trafikkforsikringsavgifta til staten? Sjekk denne artikkelen, så håper vi du blir opplyst.
Bilforsikring

Trafikkforsikringsavgifta – slik fungerer den

I 2018 blei årsavgifta erstatta med ei trafikkforsikringsavgift. Her har vi samla det meste du treng å vite om dei nye reglane og korleis dei påverkar deg.

For nokre år sidan måtte du både betale ei bilforsikring til forsikringsselskapet ditt og ei årsavgift til staten om du skulle bruke bilen din på vegen i Noreg.

No er årsavgifta, eller vegavgifta som den også blei kalla, blitt ein del av bilforsikringa di – og fått namnet trafikkforsikringsavgift.

Trafikkforsikringsavgifta kom på plass den 1. januar 2018 og gjeld for alle køyretøy med tillatt totalvekt opptil 7 500 kg som skal ha ansvarsforsikring.

Avgifta er framleis den same, men det er altså forsikringsselskapet som krev den inn på vegner av staten – og alt går i sin heilskap til staten.

Her har vi samla ei rekkje spørsmål og svar om avgifta og kva den betyr for deg.

Visste du at?

Trafikkforsikringsavgifta må betalast for alle køyretøy under 7 500 kilo som for eksempel bilar, motorsyklar, elbilar, traktorar og mopeder.

Generelt om trafikkforsikringsavgifta

Trafikkforsikringsavgifta er ei avgift du betaler til staten for å kunne køyre bilen din lovleg på norske vegar. Avgifta er no ein del av bilforsikringa di og beløpet går til staten.

Før i tida var denne avgifta kjent som årsavgift eller vegavgift, men i 2018 endra den namn til trafikkforsikringsavgift.

Fordelane med at du betaler trafikkforsikringsavgifta som ein del av bilforsikringa di er mange.

Her er nokre av dei:

  • Du kan fordele avgifta gjennom året (for eksempel betale litt kvar månad)
  • Du treng berre å forholde deg til fakturaen frå forsikringsselskapet ditt
  • Du betaler berre for dei dagane køyretøyet er forsikra
  • Du betaler ikkje avgifta om køyretøyet ditt er avskilta
  • Har du avtalegiro hos forsikringsselskapet ditt, blir også trafikkforsikringsavgifta trekt automatisk
  • Sel du køyretøyet ditt, betaler du avgifta berre for den tida du eigde køyretøyet

På same måte som den gamle årsavgifta, er det Stortinget som bestemmer kor mykje du skal betale for trafikkforsikringsavgifta. Desse satsane justerer dei som regel kvart år i Statsbudsjettet.

Frå mars 2023 er for eksempel avgifta for bensinbilar utan partikkelfilter 9,84 kroner per døgn og for elbilar 8,38 kroner per døgn.

På denne sida til Trafikkforsikringsforeininga kan du halde deg oppdatert på dagens satsar (ekstern lenkje).

Har du eitt eller fleire køyretøy som veg 7 500 kilo eller meir, skal du ikkje betale ei trafikkforsikringsavgift for desse køyretøya, men ei vektårsavgift. Denne avgifta blir framleis kravd inn av Skatteetaten.

Du skal betale trafikkforsikringsavgifta til staten for alle køyretøya du eig som er omfatta av avgifta.


Viss du har ein felles faktura for alle køyretøya, betaler du trafikkforsikringsavgifta samtidig for alle køyretøya dine.

Om betaling av trafikkforsikringsavgifta

Trafikkforsikringsavgifta betaler du samtidig som du betaler bilforsikringa di. Betaler du denne kvar månad, må du også gjere det same med avgifta.

Bilforsikringa di blir fornya normalt kvart år, men følgjer ikkje kalenderåret.

Nye satsar for avgifta gjeld frå og med den 1. mars kvart år. Fornyar du ei bilforsikring som har hovudforfall frå og med 1. mars, vil trafikkforsikringsavgifta som du betaler frå denne datoen vere med ny sats for dette året.

Betaler du ikkje bilforsikringa eller trafikkforsikringsavgifta, vil forsikringsselskapet sende purringar, seie opp forsikringsforholdet og sende kravet til inkasso. I praksis betyr det at bilen blir avskilta i ein veikontroll.

Viss du ikkje har ei gyldig forsikring på køyretøyet ditt, får du samtidig eit gebyr for kvar dag køyretøyet er uforsikra. Har du fått eit slikt gebyr, kan du lese meir om kva du skal gjere på nettsidene til Trafikkforsikringsforeininga (ekstern lenkje).

Ja, men det kjem an på om bilen din er registrert og forsikra. Så lenge bilen din er påregistrert er det påbod om å ha minimum ei ansvarsforsikring på den, og så lenge du har ansvarsforsikring på bilen din, må du betale trafikkforsikringsavgifta.

Viss du ikkje brukar bilen din, kan du avregistrere den for å sleppe unna både avgifta og forsikringa. Men du kan framleis ha den forsikra mot brann og tjuveri viss du vil.
Nei, du må ikkje betale trafikkforsikringsavgift for campingvogna eller tilhengaren din. Det er ingen eigen trafikkforsikring på dei, og derfor er det heller ikkje ei trafikkforsikringsavgift på dei.
Ja, du må betale trafikkforsikringsavgift på elbilen din. Stortinget bestemte at også elbileigarar må betale trafikkforsikringsavgifta frå og med den 1. mars 2021.

Det kjem an på avtalen du har med leasingselskapet.

Leasingavtalen inkluderer forsikring

Er forsikringa inkludert i leasingavtalen, betaler leasingfirmaet avgifta. Då må du nok rekne med at det du betaler for å lease bilen blir litt høgare.

Leasingavtalen inkluderer ikkje forsikring

Er ikkje forsikringa inkludert i leasingavtalen, må du kjøpe forsikringa sjølv og betale avgifta saman med forsikringa, akkurat som om du eigde bilen. Då er det ingen grunn til at det du betaler for leasingavtalen endrast.

Du skal berre betale trafikkforsikringsavgifta for dei dagane du betaler på forsikringa di.
Har du avtalegiro, blir trafikkforsikringsavgifta trekt saman med forsikringane dine. Det betyr at terminbeløpet vil bli noko høgare enn det har vore tidlegare.

Har du ei beløpsgrense på avtalegiroen din, må du derfor sørgje for at du aukar denne grensa, slik at den blir høg nok til at vi får trekt beløpet for både forsikringa di og trafikkforsikringsavgifta. Beløpsgrensa endrar du enkelt i nettbanken din eller ved å kontakte oss.

Er beløpsgrensa på avtalegiroen din for låg, får du ikkje betalt og vil få ei purring på manglande betaling.

Er du ikkje einig i kva kategori køyretøyet ditt befinn seg i, må du henvende deg til Statens vegvesen. Forsikringsselskapa finn ut kor mykje trafikkforsikringsavgift du skal betale basert på opplysningane som er registrert i Køyretøyregisteret. Og det er Statens vegvesen som vedlikeheld denne informasjonen.

Det kan for eksempel vere om du har ein dieselbil med fabrikkmontert partikkelfilter og den er registrert som "vanleg" dieselbil. Er dette tilfelle må du snakke med Statens vegvesen.

Om trafikkforsikringsavgifta og forsikringsforholdet

ei, det gjer den ikkje. Verken bonusen din eller prisen på bilforsikringa di påverkar prisen på trafikkforsikringsavgifta.

Avgifta blir heller ikkje påverka av kva for ei dekning du har eller kor langt du køyrer.

Det er typen køyretøy du har som bestemmer prisen på trafikkforsikringsavgifta.

Viss du har betalt bilforsikringa og trafikkforsikringsavgifta for ein termin, men avsluttar forsikringsforholdet før terminen er over, vil forsikringsselskapet ditt betale tilbake det du betalte for mykje for forsikringa og forsikringsavgifta.
Trafikkforsikringsavgifta vil følgje forsikringsforholdet ditt. Bytter du selskap, vil trafikkforsikringsavgifta og forsikringa stoppe hos det gamle selskapet, og begynne å løpe hos det nye forsikringsselskapet.

Om trafikkforsikringsavgifta ved kjøp og sal

Viss du sel bilen din, treng du ikkje lenger ei forsikring på den. Forsikringa opphøyrer automatisk når salmeldinga blir registrert. Sidan du ikkje lenger har forsikring, skal du heller ikkje betale trafikkforsikringsavgifta.

No er det den nye eigaren som må kjøpe ei forsikring og betale trafikkforsikringsavgifta for bilen.

Merk. Det er utruleg viktig at både du som sel bilen og den som kjøper den underteiknar og leverer ei melding om eigarskifte til Statens vegvesen. Fyller de ikkje ut den meldinga riktig, vil det framleis vere du som står ansvarleg for bilen og alle framtidige krav knytte til bilen vil gå til deg.

Vrakar du bilen din, skal du verken betale ei forsikring eller ei trafikkforsikringsavgift på den.

Viktig. For å sleppe forsikrings- og trafikkavgiftskravet må Statens vegvesen ha registrert at bilen er vraka. Så pass på at vrakmeldinga blir fylt ut riktig.

Når bilen er oppført som vraka i Køyretøyregisteret, opphøyrer forsikringa automatisk, slik at du ikkje lenger må betale trafikkforsikringsavgifta.

Skulle du vere så uheldig at bilen din eller køyretøyet ditt blir stole, er det viktig at du seier ifrå til politiet så fort som mogleg.

Når du melder bilen din som stole til politiet, treng du ikkje betale bilforsikringa før bilen kanskje blir funnen igjen. Sidan forsikringa stoppar når bilen er stole, og forsikringsselskapet tar over ansvaret ditt, skal du heller ikkje betale trafikkforsikringsavgifta for den tida bilen er meldt stole.
Viss du eksporterer bilen din ut av Noreg for godt, må du seie ifrå til Statens vegvesen, og sørgje for at du ikkje har ei norsk forsikring på bilen. Då slepp du også å betale trafikkforsikringsavgifta.
Viss bilen din er avregistrert hos Statens vegvesen, treng du ikkje lenger ansvarsforsikring for køyretøyet. Du betaler trafikkforsikringsavgifta til og med den dagen du seier opp ansvarsforsikringa.