Noregs beste kundeservice – takk til deg som kunde!
Vi er stolte, glade og utruleg takksame: Bankane i Eika Alliansen har vunne prisen for Noregs beste kundeservice 2025!
For oss i Sogn Sparebank er dette ei stadfesting på at måten vi møter deg på – med tid, tillit og ekte hjelp – betyr noko. Prisen viser at kundane set pris på servicen vi tilbyr, og det er vi svært takksame for.
Meir enn berre ein pris – det handlar om deg
Vi veit at god kundeservice handlar om meir enn raske svar og løysingsorienterte samtalar. Det handlar om å bli sett og høyrt – uansett kven du er, og kvar du er i livet.
Når du tek kontakt med oss – på telefon, i banken, eller via nett og mobil – skal du kjenne at:
- Du får personleg hjelp – ingen spørsmålsrunder med chatbot før du møter ein ekte person.
- Du slepp å forklare deg fleire gonger – vi hugsar deg og det du står i.
- Du får råd som passar for deg – ikkje ein salspitch, men ekte rettleiing.
Ein bank som kjenner deg
Vi er stolte av å vere ein del av Eika – med 47 bankar over heile landet som saman jobbar for å gjere bank enklare, tryggare og meir personleg for deg.
Dette betyr:
- Kundeservice du faktisk får tak i.
- Rådgivarar som kjenner både deg og lokalmiljøet ditt.
- Digitale løysingar som gjer kvardagsøkonomien din smidig og oversiktleg – kombinert med tryggleik om at du alltid kan snakke med nokon.
Vi lovar å halde fram med å lytte
Prisen gir energi og motivasjon – men viktigast av alt: Vi tek det som ei påminning om å aldri slutte å lytte.
Har du tips, ris eller ros? Vi vil gjerne høyre frå deg. For saman gjer vi banken betre – kvar dag.
Om prisen
Kåringa baserer seg på KSIndeks, Noregs mest omfattande undersøking av kundeserviceopplevingar, utført av Kantar og CustomerTrends.
Over 20 000 kundar har delt sine erfaringar frå faktiske kundemøte. Eika-bankane toppar lista etter å ha levert sterkt på tilgjenge, serviceinnstilling og løysingsgrad.
Om KSIndeks
Norsk Kundeserviceindeks – KSIndeks – måler kundenes tilfredsheit med kundeservicen og opplevinga som heilskap. Undersøkinga blir gjennomført via Kantars webpanel med over 40 000 respondentar.
Målinga baserer seg på svar frå kundar som har vore i kontakt med eit kundesenter dei siste 14 dagane. I 2025 blir det delt ut prisar innan åtte bransjar, samt hovudprisen for Årets kundeservice.